- Türkiyədəki son seçki hekayəsi bizə onu göstərdi ki güclü təşkilatlanmaq, təcrübələrdən istifadə etmək, təkrara girmədən hərəkət edib strateqik qərarlar vermək lazımdır. (Toğrul İSAOĞLU)
- Biz Türkiyə seçkilərində güclü təşkilatlanaraq səslərin qorunduğunu gördük. REAL partiyasının səsləri qoruya biləcək güclü təşkilatı, strategiyası varmı? REAL partiyası parlamentdə 5 yer alaraq Azərbaycanda dəyişiklik edəcəyi bir strategiyası varmı? REAL “ Mən seçkiyə girərək seçkini udacam” deyir. Bəs bunu hansı insan resursu ilə edəcək? (Toğrul İSAOĞLU)
- Azərbaycanda bütün müxalifət təşkilatların apardığı strateji metodları ilə hakimiyyətin dəyişmə ehtimalı var. Bu ehtimal var amma bu ehtimallar nə qədərdir bunu soraqlamaq lazımdır. Biz elə bir strateji istəyirik ki, hakimiyyətin dəyişmə ehtimalı yüksək olsun. (Nahid CƏFƏROV)
- Türkiyədə baş verən bu uğurlu seçki strategiyası indiki Azərbaycanda baş verə bilər mi? Seçki məsələsini təbliğ edən REAL partiyası Azərbaycandakı real vəziyyəti çox yaxşı bilir. Mən inanmıram ki indiki vəziyyətdə Azərbaycandakı insanların seçkiyə qoşulmaqla bu iqtidardan xilas olacaq. Seçki ilə Azərbaycanda dəyişiklik ehtimalı həddindən aşağıdır. Ancaq Azərbaycanda oturan siyasi partiyaların dəyişiklik üçün gedə biləcəyi başqa alternativ yolları varmı? Seçkiyə qatılmaq REAL partiyası üçün təcrübə qazandıra bilər amma xalqın xilası üçün bir şey gətirmə ehtimalı yox dərəcədədir. (Nahid CƏFƏROV)
- İndiki vəziyyətdə mitinqlər ilə hakimiyyətin dəyişmə ehtimalı həddindən çox aşağıdır. İndiki vəziyyətdə təyin olmuş mitinqə yüz minlərlə insanın qatılması tam bir xaos meydana gətirər. Çünki bu mitinqi təşkil edən insanların bu mitinqi idarə edə biləcək nə potensialı nə də mexanizmi yoxdur. (Nahid CƏFƏROV)
- Biz deyirik ki indiki vəziyyətdə seçki və mitinqlə dəyişiklik həddindən artıq aşağıdır. Bunu hiss edərək və ya istər REAL partiyası istər AXCP-yə bir qərəzim olduğu üçün demirik. Bizim heç bir siyasi partiyaya qərəzimiz yoxdur. Siyasi yaddaş deyə bir şey var. Əvvəllər parlament də Müsavat partiyası və AXCP var idi. Nə dəyişdi? Bizim məqsədimiz nədir? İndiki bu sistemdə bir vaxtlar parlamentdə olan AXCP və Müsavat partiyaların yerini REAL partiyasının gəlməsini istəyirik? Onsuzda indiki iqtidara maraqlıdır ki parlamentdə müxalifət partiyalardan iki-üç dənə millət vəkili olsun. (Toğrul İSAOĞLU)
Hesabat
Şənbə Söhbəti: Seçki Sistemi İlə Dəyişiklik Mümkündürmü?
10
Apr
Apr
